ڤەکرنا تاقیگەها دەرامەتێن پیشەسازی و کارگەها بەرهەمئینانا تەحینێ ل پشکا دەرامەتێن کێلگەیی

Nov. 15, 2026, 6:56 p.m.

ل ڕۆژا سێشەمبی، ڕێکەفتی ١٠ـی چریا دووێ ٢٠٢٦ێ، پشکا دەرامەتێن کێلگەیی ل کۆلیژا زانستێن ئەندازیاریا چاندنێ ل زانکۆیا دهۆک، ب شێوەیەکێ فەرمی تاقیگەها دەرامەتێن پیشەسازی و کارگەها بەرهەمئینانا تەحینێ (ڕەشی) ڤەکر. ڕێورەسم ب ئامادەبوونا ڕاگرێ کۆلیژێ (د. شوکری حاجی ساڵح)، سەرۆکێ پشکا دەخلودانێن کێلگەیی (د. ڕزگار ئدریس سەعد)، دگەل سەرۆک بەش و ئەندامێن دەستەیا وانەبێژیێ برێڤەچوو.

ئەڤ پڕۆژەیە ب پشتەڤانیا ڕاستەوخۆ یا سەرۆکاتیا زانکۆیا دهۆک و ڕاگریا کۆلیژێ هاتیە بجهئینان، و پێنگاڤەکا ستراتیژی یا گرنگە بۆ گوهۆڕینا ئاراستەی ژ چاندن و بەرهەمئینانا سادە یا دەخلودانان بەرەڤ پێڕابوون و پیشەسازیکرنا بەرهەمێن چاندنێ و بازاڕکرنا وان. د هەمان دەم دا، پڕۆژە دێ پشکداریێ د زێدەکرنا داهاتێ دارایی یێ کۆلیژێ و زانکۆیێ دا کەت.

ئەڤ تاقیگەهـ و کارگەهە دێ دەرفەتەکا زێدە ب نرخ بۆ قوتابییان دابین کەن دا کو شیانێن خۆ یێن پراکتیکی د بیاڤێ پیشەسازیا چاندنێ و زێدەکرنا بهایێ ئابووری یێ بەرهەمان دا بەرفرەهـ بکەن، دگەل خورتکرنا فێرکرنا کارپێکری و گرێدانا زانستێ تیۆری ب جیهانا پیشەسازیێ ڤە. هەروەسا ئەڤ دەستپێشخەرییە دێ بیتە سەرمەشقەک بۆ پڕۆژە و داهێنانێن پاشەڕۆژێ کۆ خزمەتا جڤاکی بکەن.

پشکا دەرامەتێن کێلگەیی سوپاسی و پێزانینێن خۆ ئاراستەی سەرۆکاتیا زانکۆیێ، ڕاگریا کۆلیژێ، و دەستەیا مامۆستا و فەرمانبەرێن پشکێ کر بۆ بزاڤ و ماندووبوونا وان یا دلسۆزانە د سەرخستن و کارپێکرنا ڤی پڕۆژەیێ زانستی و بەرهەمهێنەر دا.

ڤێره كليك بكه بو ديتنا وێنه يان

نڤیسینگەها خزمەتێن پێزانینان ل کۆلیژا زانستێن ئەندازیاریا چاندنێ (CAES)،١٤ ێ چریا دووێ ٢٠٢٦

ئامادەکرنا راپۆرتێ: سیپل محمد طاهر یوسف، بلند جلال ح. همبی .