د. مروان بشير إسماعيل پشکداری د خولەکا نێڤدەولەتی یا گوهۆڕینا دیجیتاڵی د چاندنێ دا ل وەلاتێ چینێ کر

د. مروان بشير إسماعيل ، مامۆستا ل کۆلیژا زانستێن ئەندازیاریا چاندنێ ل زانکۆیا دهۆک، پشکداری د خولەکا راهێنانێ یا نێڤدەولەتی و پسپۆڕی دا کر ل ژێر ناڤ ونیشانێ "سمینارا گوهۆڕینا دیجیتاڵی و گەشەپێدانا چاندنێ و دەڤەرێن گوندنشین بۆ وەلاتێن بەرەڤ پێشڤەچوونێ". ئەڤ بەرنامەیە د ناڤبەرا ڕێکەفتی ٨ هەتا ٢٨ـی ئیلۆنا ٢٠٢٦ێ، ل زانکۆیا هێنان یا تەکنەلۆجیایێ (HAUT) ل باژێرێ ژێنگژۆو ل پارێزگەها هێنان ل کۆمارا مللی یا چینێ هاتە برێڤەبرن.

ئەڤ خولە بۆ کۆمەکا ڤەکۆلەر و بسپۆرێن چاندنێ ژ چەندین وەلاتێن جیهانێ هاتبوو ڕێکخستن، ب ئارمانجا لێکگوهۆڕینا شارەزاییان و نیشاندانا رێکێن نوی یێن تەکنەلۆجی بۆ پێشڤەبرنا چاندنێ. ل دەمێ بەرنامەی، بەحس ل چەندین تەوەرێن سەرەکی هاتە کرن ژ وان: بەکارهێنانا ئینتەرنێتا تشتان (IoT) د چاندنێ دا، ژیرییا دەستکرد (AI) و دیدەڤانیا ئامێری (Machine Vision) د چاندنا زیرەک و کۆنترۆلکرنا نەخۆشی و مێرووان دا، دانانا ستۆدیۆ و عەمبارێن زیرەک بۆ پاراستنا دەخلودانان، برێڤەبرنا داتایێن مەزن (Big Data)، و سیستەمێن شوۆپاندنا کوالێتیا بەرهەمان ب رێکا تەکنەلۆجیایا بلۆکچەینێ.

هەروەسا، پشکداربوویان سەرەدانا چەندین جهێن زانستی و کەلتووری ل باژێرێن پەکین، کایفێنگ، و لوۆیانگ کر، ژ وان مۆزەخانەیا نەتەوەیی یا چینێ یا دەخلودانان. ئەڤ پشکدارییە دەرفەتەکا گرنگ بوو بۆ دەستڤەئینانا زانیاریێن پێشکەفتی د بیاڤێ چاندنا دیجیتاڵی دا، کو دشێت خزمەتا ئاستێ زانستی و ئەکادیمی یێ کۆلیژا زانستێن ئەندازیاریا چاندنێ بکەت.

نڤیسینگەها خزمەتێن پێزانینان ل کۆلیژا زانستێن ئەندازیاریا چاندنێ (CAES)، 10 ێ تشرینا ئێکێ 2026

ئامادەکرنا راپۆرتێ:، سیپل محمد طاهر یوسف, بلند جلال ح. همبی.