كولیژا زانستێن ئەندازیاریا چاندنێ

سەرکەفتنا ئەکادیمی: د. میسەر خەلیل ئیبراهیم دەستکەفتەکێ زانستی یێ مەزن تۆمار دکەت

May 17, 2026, 8:55 p.m.

سەرکەفتنا ئەکادیمی: د. میسەر خەلیل ئیبراهیم دەستکەفتەکێ زانستی یێ مەزن تۆمار دکەت

کۆلیژا ئەندازیاریا زانستێن چاندنێ ل زانکۆیا دهۆکێ، ب شانازی ڤە دەستکەفتەکێ زانستی یێ گرنگ یێ مامۆستایێ هێژا (د. میسەر خەلیل ئیبراهیم) رادگەهینیت. د ماوێ سالەکێ دا، دکتۆر میسەر شیایە سێ ڤەکۆلینێن زانستی یێن ب باندۆر و ئاست بلند د کۆڤارا جیهانی یابناڤ ودەنگ "Journal of Molecular Structure" دا بەلاڤ بکەت، کو ژ لایێ دەزگەهێ (ScienceDirect/Elsevier) ڤە دهێتە چاپکرن.

ئەڤ دەستکەفتە ئاستێ بلند یێ ئەکادیمی یێ زانکۆیا دهۆکێ و پێگیریا وێ ب پێشخستنا زانستی ل سەر ئاستێ جیهانی نیشان ددەت. کۆڤارا (Journal of Molecular Structure) ئێکە ژ کۆڤارێن رێزدارێن رێزبەندا Q2 و د بنکەیێن داتایێن (Scopus) و (Web of Science) دا یا تۆمارکرییە، کو فاکتەرێ کاریگەریێ (Impact Factor) یێ وێ 4.7 و نمرەیا سایت‌سکۆر (CiteScore) یا وێ 8.0 یە.


ڤەکۆلینەکا نوو د بیاڤێ پێکهاتەیێن گەردی دا دووماهی ڤەکۆلینا وی ل ژێر ناڤێ:

"Medium-controlled regioselectivity in the synthesis of ortho/para azo-hydroxybenzaldehyde isomers: Structural assignment by spectroscopy and DFT validation"

ب هەڤکاری ل گەل (پ. د. شیرین ر. محمد) ژ پشکا کیمیایێ ل زانکۆیا زاخۆ هاتییە ئەنجامدان

ئەڤ ڤەکۆلینە دیدەگەکا نوو ددەتە چەوانیا سنتێزکرنا کیمیایی، ب تایبەتی کاریگەریا ناڤەندێن جودا ل سەر جۆری و ئاراستەیا کارلێکان. ئێک ژ دەستکەفتێن گرنگ یێن ڤێ ڤەکۆلینێ گەهشتنە ب رێژەیا 98% ژ (para-selectivity) ب کارئینانا تێکەلەکێ تایبەت یێ سۆدیۆم هایدرۆکساید و سۆدیۆم کاربۆنات. د ڤێ ڤەکۆلینێ دا تەکنیکێن پێشکەفتی یێن تاقیگەهی وەک (FTIR و NMR) د گەل مۆدێلێن کۆمپیۆتەری یێن ئاڵۆز (DFT, GIAO, TD-DFT) هاتینە بکارهینان بۆ پشتراستکرنا پێکهاتەیێ گەردی و سەقامگیریا وان.


باندۆرا جیهانی و گەشەیا مۆسەسی ئەڤ ڤەکۆلینە دکەڤیتە د خزمەتا ئارمانجا سێیێ یا گەشەپێدانا بەردەوام یا نەتەوەیێن ئێکگرتی (ساخلەمییا باش و خوشگوزاری)، چونکی دهێتە هەژمارتن وەک بنەمایەک بۆ تێگەهشتنا رەفتارێن گەردی یێن کو د دەرمان سازی و بوارێن کیمیایی دا دهێنە بکارهینان.

بەلاڤکرنا سێ ڤەکۆلینان د کێمتر ژ 12 هەیڤان دا د کۆڤارەکا خودان ئاستێ بلند دا، دەستکەفتەکێ دەگمەنە کو دلسۆزیا دکتۆر میسەری و رۆلێ کۆلیژا ئەندازیاریا زانستێن چاندنێ دیار دکەت د بلندکرنا رێزبەندی و پێگەهێ زانستی یێ زانکۆیێ دا.


لینکا ڤەکۆلینان: زانکۆ و ڤەکۆلەر دشێن ل سەر ڤان لینکان سەیری ڤەکۆلینێن دکتۆر میسەری بکەن: