بەرەو پێشڤەبرنا زانستێ ئاخێ: ڤەکۆلەرێن زانکۆیا دهۆکێ ڤەکۆلینەکا جیو-فەزایی ل سەر پۆلێنکرنا ئاخا کوردستانێ بەلاڤ دکەن

زانکۆیا دهۆکێ دەستکەفتەکێ دی یێ زانستی یێ گرنگ تۆمار دکەت ب رێکا ڤەکۆلینەکا نوی کو ژ لایێ ڤەکۆلەران (ج. ا. هـ. دوسکی، م. ا. فیاض، و هـ. د. عبدالرحمن) هاتیە ئەنجامدان. ڤەکۆلین ب ناڤێ "نەخشەسازی، گەشەپێدان و پۆلێنکرنا ئاخێ ل کوردستانا عیراقێ: ڤەکۆلینەکا جیو-فەزایی و شیکاری" یە.

بەلاڤکرن د گۆڤارەکا نیڤدەولەتی یا ب هێز دا
ئەڤ ڤەکۆلینە د گۆڤارا بناوبانگ یا جیهانی (International Journal of Environmental Science and Technology) دا بەلاڤ بوویە، کو ژ لایێ دەزگەهێ (Springer) ڤە دهێتە دەرخستن. ئەڤ گۆڤارە د رێزبەندیا Q1 د ناڤ Scopus و Q2 د ناڤ Web of Science دایە، و خودان فاکتەرێ کارتێکرنێ (Impact Factor: 3.4) یە.

گرنگیا ڤەکۆلینێ بۆ هەرێما کوردستانێ:
ڤەکۆلین تەکنیکێن پێشکەفتی یێن جیو-فەزایی (Geospatial) بکار دئینیت بۆ دروستکرنا نەخشەیێ ئاخا هەرێما کوردستانێ و پۆلێنکرنا جۆرێن وێ. ئەڤ زانیارییە گەلەک د گرنگن بۆ:

• چاندنا بەردەوام: دیارکرنا باشترین جهێن چاندنێ بۆ دابینکرنا ئاسایشا خوارنێ.
• پلانێن ژینگەهی: پاراستنا ئاخێ ژ ژناڤچوونێ.
• داتایێن دیجیتاڵی: دابینکرنا سەرچاوەیەکێ زانستی یێ نوو بۆ پڕۆژەیێن ئاڤەدانکاری و ڤەکۆلینێن پاشەرۆژێ ل دەڤەرێ.

ئەڤ کارە زانستییە پابەندبوونا زانکۆیا دهۆکێ نیشان ددەت بۆ پێشکێشکرنا ڤەکۆلینێن کوالیتی بلند کو خزمەتا ژینگەهـ و جۆگرافیا کوردستانێ دکەن.

لینکا ڤەکۆلینێ:
https://doi.org/10.1007/s13762-026-07222-0