سەردێڕ: بەردەوامیا سەرکەفتنێن زانستی: مامۆستایێن کۆلێژا مە دوو ڤەکۆلینێن ئاست بلند د گۆڤارێن Elsevier یێن جیهانی دا بەلاڤ دکەن

کۆلێژا زانستێن ئەندازیاریا چاندنێ ل زانکۆیا دهۆکێ ب شانازی ڤە رادگەهینیت کو پڕۆفیسۆرێ هاریکار (د. میسر خلیل ابراهیم) دگەل تیمێن خۆ یێن ڤەکۆلینێ، دوو دەستکەفتێن زانستی یێن مەزن تۆمارکرینە ب بەلاڤکرنا دوو ڤەکۆلینێن ئاست بلند د گۆڤارێن جیهانی یێن رێزبەندیا ئێکێ (Q1) دا.

١. ڤەکۆلینەکا ژینگەیی ب فاکتەرێ کارتێکرنێ 7.2:
پ. هـ. د. میسر خلیل ابراهیم، پ. هـ. د. بێریڤان هادی مهدی، و سەراب میسر خلیل، ڤەکۆلینەک د گۆڤارا بناوبانگ (Environmental Pollution) دا بەلاڤ کریە.

• بابەت: کاریگەریا کەشوهەوای ل سەر رێژەیا تۆز و غبارا وەرزانە ل باژێڕێ زاخۆ. ئەڤ گۆڤارە خودان فاکتەرێ کارتێکرنێ 7.2ـە و د رێزبەندیا Q1 دایە.

٢. سێیەم و چارەم ڤەکۆلین د هەمان گۆڤارێ دا (IF: 4.9):
د دەستکەفتەکێ کێم وێنە دا، پ. هـ. د. میسر خلیل ابراهیم شیا چارەم ڤەکۆلینا خۆ د ماوەیەکێ کورت دا د گۆڤارا جیهانی (Journal of Molecular Structure) دا بەلاڤ بکەت.

• بابەت: چێکرنا ماددەیێن کیمیایی یێن نوی کو دهێنە بکارئینان بۆ پاراستن ژ تیشکا ژەهریا رۆژێ (UV-blocking). ئەڤ گۆڤارە د رێزبەندیا Q1 دایە و فاکتەرێ کارتێکرنێ وێ 4.9ـە.

هەڤکاریا زانستی:
ئەڤ سەرکەفتنە بەرهەمێ هەڤکاریا زانستی یا د ناڤبەرا زانکۆیا دهۆکێ و زانکۆیا زاخۆ دایە، کو رۆڵەکێ مەزن دگێڕیت د بلندکرنا ناڤ و دەنگێ زانکۆیێن هەرێما کوردستانێ ل سەر ئاستێ جیهانی.

لینکێن ڤەکۆلینان:

• ڤەکۆلینا ژینگەیی
• ڤەکۆلینا کیمیایی

راپۆرت ژلایێ: سيپل محمد طاهر يوسف، بلند جەلال ح. هەمبی .