سەردێڕ: بەردەوامییا پێشەنگییا ئەکادیمی: بەلاڤکرنا سێ ڤەکۆلینێن نێڤدەولەتی یێن زانستی ژ لایێ (پ. هـ. د. میسەر خەلیل ئیبراهیم) د گۆڤارێن Elsevier و Springer دا

سەردێڕێ لاوەکی:

سێ توێژینەوەیێن پێشەنگ د بوارێن کێمیایا کەسک، هەلسەنگاندنا مەترسیێن ساخلەمییا ژینگەهێ، و شیکاریا پێشکەفتی یا تیشکی د گۆڤارێن Clarivate (WoS) و Scopus د ئاستێ Q2 و Q3 دا هاتنە بەلاڤکرن.

کۆلیژا زانستێن ئەندازیاریا چاندنێ

د بەردەوامییا سەرکەفتن و دەستکەفتێن زانستی یێن زانکۆیا دهۆک دا، مامۆستایێ هێژا ل کۆلیژا زانستێن ئەندازیاریا چاندنێ، بەڕێز (پ. هـ. د. میسەر خەلیل ئیبراهیم) شیایە د ماوێ مەهێن تەمموز و ئابا ٢٠٢٦ێ دا سێ ڤەکۆلینێن زانستی یێن ئاستبەرز د ناڤدارترین گۆڤارێن زانستی یێن جیهانی یێن هەردوو دەزگەهێن ناڤدار Elsevier و Springer Nature دا بەلاڤ بکەت، کو د ناڤەندێن باوەرپێکری یێن نێڤدەولەتی (Web of Science و Scopus) دا پۆلێنکرینە.

کورتەیەک ژ ناڤەرۆکا هەرسێ ڤەکۆلینێن بەلاڤکری:

١. چێکرنا پێکهاتەیێن نوو یێن ئازۆ-چالکۆن ب ڕێکا هاندەرێ UoZ-8 و تیشکا مایکڕۆوەیڤ د گۆڤارا ChemistrySelect دا

ناڤێ گۆڤارێ: ChemistrySelect (دەزگەهێ Wiley-VCH و Elsevier)

پێوەرێن زانستی: فاکتەرێ باندۆرێ (JIF): 2.3 | سایت سکۆر (CiteScore): 3.0 | پۆلێنا Q3 د Web of Science و Scopus دا.

مێژوویا بەلاڤکرنێ: ١٤ی تەمموزا ٢٠٢٦ێ DOI: 10.1007/s11869-026-02075-5

پوختە و گرنگی: ئەڤ توێژینەوەیە ب سەرکەفتیانە بەرهەمئینان و ناساندنا ئاوێتەیێن ئازۆ-چالکۆن ب ڕێکا هاندەرێ ناهەڤچەشن یێ UoZ-8 و تیشکا مایکڕۆوەیڤ پێشکێش دکەت. ب پشتەڤانییا پشکنینێن پێشکەفتی یێن تیشکپێڤانێ (NMR, FTIR) و ئەنجامدانا شیکاریێن تیۆری یێن چڕیا گەردیلەیی (DFT)، بەرنامێ پێشبینییا زیندەوەری (PASS) سەلماند کو ئەڤ پێکهاتەیە شیانێن بەرچاڤ هەنە وەک کارتێکەرێن هەستیار بۆ ڕووناهیێ و بەستن ب ترشێ ناوکی DNA د بوارێ پزیشکی و دەرمانسازیێ دا. ئەڤ کارە بەرهەمێ هەڤکارییا زانستی یا زانکۆیا دهۆک، زانکۆیا زاخۆ، و زانکۆیا کۆیە یە.

٢. هەلسەنگاندنا مەترسیێن ساخلەمیێ دەربارەی پیسبوونا تۆزا هەوای ب کانزایێن گران ل باژێرێ زاخۆ د گۆڤارا Springer دا

ناڤێ گۆڤارێ: Air Quality, Atmosphere & Health (Springer Nature)

پێوەرێن زانستی: فاکتەرێ باندۆرێ (JIF): 3.1 | ڕێزبەندییا Q2 د Scopus و Q3 د Web of Science دا | بەرگێ ١٩، کورتەنامەیا ١٨١.

مێژوویا بەلاڤکرنێ: ٧ی ئابا ٢٠٢٦ێ DOI: 10.1007/s11869-026-02075-5

توێژەر: بێریڤان هادی مهدی، دڵسۆز دەخیل حەسەن، میسەر خەلیل ئیبراهیم، دڵشاد عزیز دەروێش، جاسم م. رەجەب، علی م. الصالحی، هوی سان لیم.

پوختە و گرنگی: ڤەکۆلینەکا گرنگا ژینگەهی و ساخلەمییە کو ب هویربینی دیراسەتا ئاستێ پیسبوونا تۆزا هەوای ب کانزایێن ژەهراوی یێن وەک (قوڕقوشم، کادمیۆم، کرۆم، نیکل، و زنک) ل دەڤەرێن جودا یێن باژێرێ زاخۆ دکەت. ب پشتبەستن ب مۆدێلێن ڕێکخراوا پاراستنا ژینگەهێ یا ئەمریکی (US EPA) ، مەترسیێن نەساخیێن پەنجەشێرێ و نەساخیێن هەناسەدانێ ل سەر زارۆکان و مەزنان هاتینە هەلسەنگاندن، کو داتایێن گرنگ ددەتە دەزگەهێن ساخلەمیێ و ژینگەهپارێزیێ. ئەڤ کارە ب هەڤکاری دگەل زانکۆیا دهۆک، زانکۆیا زاخۆ، زانکۆیا موستەنسریە، و زانکۆیا سەینس یا مالیزیا هاتیە ئەنجامدان.

٣. شیکارکرن و باشترکرنا ئەندازیاری یا ڕەنگێن ئازۆ ب تەکنیکا LC-MS و سەلماندنا بینایی ب TD-DFT د گۆڤارا Q2 دا

ناڤێ گۆڤارێ: Research on Chemical Intermediates (Springer Nature)

پێوەرێن زانستی: فاکتەرێ باندۆرێ (JIF): 3.3 | ڕێزبەندییا Q2 د Web of Science و Q2 د Scopus دا.

مێژوویا بەلاڤکرنێ: ١٨ی ئابا ٢٠٢٦ێ | DOI: 10.1007/s11164-026-06088-8

پوختە و گرنگی: ئەڤ توێژینەوەیە باشترکرنا ستاتیستیکی ب مۆدێلا بیرکاری یا (CCD/RSM) ب هه‌ڤپشکی دگەل ئامیرێ هەستیار یێ کڕۆماتۆگرافی و تەپدۆزیا بارستەیی (LC–MS) بۆ جوداکرنا ڕەنگێن هاوشێوە یێن ئازۆ (BAO و BAM) بکاردهینیت. هەروەسا ب مۆدێلا ئەلیکترۆنی یا TD-DFT، ڕەفتارێن تیشکی و گواستنەوەیا وزێ هاتینە ڕوونکردن، کو ئەڤە ژی خزمەتەکا زانستی یا مەزن پێشکێشی پێشەسازییا ڕەنگان، هەستەوەرێن بایۆلۆجی و کەرەستەیێن ئەندازیاری دکەت.

پیرۆزباهییا ڕاگریا کۆلیژێ: ڕاگریا کۆلیژا زانستێن ئەندازیاریا چاندنێ ل زانکۆیا دهۆک ب گەرمی پیرۆزباهیێ ل بەرێز (پ. هـ. د. میسەر خەلیل ئیبراهیم) و هەمی تیمێن ڤەکۆلەران دکەت ژبۆ ئەڤی دەستکەفتێ زانستی یێ پڕبها، و دووپات دکەت کو کۆلیژ بەردەوامە ل سەر پالپشتیکرنا توێژینەوەیا زانستی یا ئاستبەرز بۆ بلندکرنا ناڤێ زانکۆیا دهۆک د ناڤەندێن ئەکادیمی یێن جیهانێ دا.

نڤیسینگەها خزمەتێن پێزانینان ل کۆلیژا زانستێن ئەندازیاریا چاندنێ (CAES)، 13 ێ ئەیلوولا 2026

ئامادەکرن: سيپل محمد طاهر يوسف، بلند جلال هـ. همبی.