سمینارەک ل دۆر هەلسەنگاندنا ستانداردێن وەستاندنا ترۆمبێلان ل کۆمەلگەهێن ئاکنجیبوونێ هاتە ئەنجامدان

ل رۆژا ٢٠ێ گولانا ٢٠٢٦ێ، پشکا زانستێن بنەرەت ل کۆلیژا ئەندازیاریا چاندنێ سمینارەک ل ژێر ناڤ و نیشانێن "هژمارا گونجاوا پارکینگێن ترۆمبێلان بۆ کۆمەلگەهێن ئاکنجیبوونێ" ئەنجامدا. سمینار ژ لایێ بەرێز (عەبدوڵڵا موراد تاهیر) ڤە ل هۆلا سمیناران یا پشکا زانستێن بنەرەت هاتە پێشکێشکرن.

سمینارێ تیشک خستە سەر بابەتێ گرنگ یێ پێدڤیاتیێن جهێ وەستاندنا ترۆمبێلان د ناڤ کۆمەلگەهێن ئاکنجیبوونێ یێن ستوونی دا. د ڤێ ڤەکۆلینێ دا بەراوردیا داتایێن مەیدانی یێن سێ کۆمەلگەهێن ئاکنجیبوونێ یێن دیارکری (X1, X2, X3) دگەل ستانداردێن نیشتمانی یێن عیراقێ و پیڤەرێن نێڤدەولەتی یێن ئاکنجیبوونێ هاتە کرن. ئارمانجا سەرەکی یا سمینارێ هەلسەنگاندنا ئاستێ پابەندبوونا کۆمەلگەهان ب ستانداردان، دەستنیشانکرنا کێماسیان، و پێشکێشکرنا پێشنیارێن ستراتیژی بۆ پلاندانانێ بوو.

ئەو ئەنجامێن ژ لایێ م. عەبدوڵڵا ڤە هاتینە دیارکرن ئەوە بوون کو هەرچەندە کۆمەلگەهێن X1 و X2 ب شێوەیەکێ گشتی پابەندی ستانداردێ عیراقی بوون (ئێک پارکینگ بۆ هەر یەکەکا ئاکنجیبوونێ)، لێ کۆمەلگەها X3 کێماسیەکا مەزن د جهێن وەستاندنا ترۆمبێلان دا هەبوو. زێدەباری ڤێ چەندێ، هەلسەنگاندنێ دیار کر کو دەمێ ئەڤ کۆمەلگەهە دگەل "رێبەرێ ستانداردێن ئاکنجیبوونا باژێری یێ سالا ٢٠١٠" کو یێ توندترە دهێنە بەراوردکرن، هەر سێ کۆمەلگەهـ ب تەمامی پابەندی ستانداردێن پێتڤی نەبووینە.

سمینار ب جەختکرن ل سەر گرنگیا تەمام و دروست د پلاندانانا پارکینگان دا بۆ گەشەپێدانا باژێری ب دوماهی هات. م. عەبدوڵڵا ئاماژە ب وێ چەندێ کر کو چارەسەرکرنا ڤان کێماسیان یا فەرە بۆ کێمکرنا قەرەبالغیا هاتنوچوونێ و باشترکرنا کوالیتیا گشتی یا ژیانا باژێری بۆ وەلاتیان ل هەرێما کوردستانێ.