بەرچاڤڕوونیەک ل سەر هێرباریۆمێ (ڕوەکخانەیێ)

هێرباریۆما زانکۆیا پارێزگەها دهۆکێ (DPUH) ل سالا 2003 ل کۆلیژا زانستێن ئەندازیاریا چاندنێ ل زانکۆیا دهۆک هاتیە دامەزراندن، و وەک کۆگەهەک بۆ ڕوەکێن (فلۆرا) جۆراوجۆر یێن هەرێما کوردستانا عیراقێ خزمەت دکەت. ب گرنگیدانەکا سەرەکی ب ڕوەکێن لوولەیی (بۆڕیدار)، هێرباریۆم بزاڤێ

دکەت بۆ بەلگەکرن، پاراستن، و خواندنا کەلەپوورێ دەوڵەمەندێ ڕوەکی یێ دەڤەرێ.

هێرباریۆم هاریکاریێ پێشکێش دکەت بۆ هەر کەسێ بڤێت ڤەکۆلینێ ل سەر فلۆرایا هەرێما

کوردستانێ بکەت.

ئارمانج:

- بەلگەکرنا هەمەجۆریا زیندەوەری: هێرباریۆم ئارمانج دکەت کو ب شێوەیەکێ

سیستەماتیک جۆرێن ڕوەکێن لوولەیی یێن ل هەرێما کوردستانێ دهێنە دیتن بەلگە

بکەت، ب پۆلێنبەندی، بەلاڤبوون و گرنگیا وان یا ژینگەهی ڤە.

- پاراستن: ب هێشتنا کۆمەکا گشتگیر ژ نموونەیێن ڕوەکی، هێرباریۆم پشکداریێ د

پاراستنا هەمەجۆریا زیندەوەری یا دەڤەرێ دا دکەت، ب تایبەتی بۆ وان جۆرێن

ڕووبەڕوویێ مەترسی یان ژناڤچوونێ دبن.

- ڤەکۆلین: ب کارئاسانیکرن بۆ ڤەکۆلینێن ڕوەکی، هێرباریۆم سەرچاڤەیان دابین دکەت

بۆ ڤەکۆلینێن ل سەر ژینگەها ڕوەکان، پەرەسەندن، جوگرافیایا زیندەوەری، و زانستێ

ڕوەکی یێ میللی (بکارئینانا کەلەپووری) کو گرێدایی هەرێما کوردستانێ نە.

- فێرکرن: هێرباریۆم وەک سەرچاڤەیەکێ فێرکرنێ بۆ قوتابی، ڤەکۆلەر و خەلکی ب گشتی

خزمەت دکەت، و هشیاری و گرنگیدانێ ب هەمەجۆریا ڕوەکی یا دەڤەرێ زێدە دکەت.

کۆلێکشەن (نموونەیێن هەلگرتی): هێرباریۆم کۆمەکا زێدەبووی ژ نموونەیێن پرێسکری و

هشککری یێن ڕوەکێن لوولەیی د خۆ دا دگریت، کو ب هویربینی ل گۆرەی بنەمایێن

پۆلێنبەندیێ هاتینە ڕێکخستن و پاراستن. نموونە ژ گەشتێن مەیدانی، پرۆژەیێن

ڤەکۆلینێ، و پشکداریا زانایێن ڕوەکی و حەزژێکەران ژ سەرانسەری هەرێما کوردستانێ

دهێنە ب دەستڤەئینان. گرنگی دهێتە دان ب دروست دانانا لێبڵان و کەتەلۆگکرنا هەر

نموونەیەکێ بۆ مسۆگەرکرنا دەستپاکی و باوەرییا زانستی و ب ساناھی دەستکەفتنێ. نوکە،

هێرباریۆم 4228 نموونەیێن خێزانێن جودا یێن ڕوەکێن لوولەیی ب خۆڤە دگریت.

بیاڤێن ڤەکۆلینێ: ئەو ڤەکۆلینێن ل هێرباریۆمێ دهێنە ئەنجامدان گەلەک بیاڤێن زانستێ

ڕوەکی ب خۆڤە دگرن، ژ وان ژی:

- پۆلێنبەندی و سیستەماتیک

- زانستێ فلۆرا و جوگرافیایا زیندەوەری

- ژینگەها ڕوەکی و پاراستن

- زانستێ ڕوەکی یێ میللی و زانینا کەلەپووری

گەهاندنا جڤاکی: هێرباریۆم ب چالاکی دگەل جڤاکا خۆجهی کارلێکێ دکەت ب ڕێیا وۆرکشۆپ،

سێمینار و پێشانگەهان بۆ بەلاڤکرنا هشیاریا ڕوەکی و پاراستنا ژینگەهێ. هەروەسا

هەڤکاری دگەل دامەزراوەیێن حکومی، ڕێکخراوێن نەحکومی، و دامەزراوەیێن نێڤدەولەتی

ئاسانکاریێ دکەت بۆ ئالۆگۆڕکرنا پێزانینان و دەستپێشخەریێن ئاڤاکرنا شیانان ب

مەرەما پاراستنا کەلەپوورێ ڕوەکی یێ هەرێما کوردستانێ.

پەرتووکخانە:

- فلۆرایا ئێرانی

- فلۆرایا ئەورووپا

- فلۆرایا عیراقێ

- فلۆرایا دەشتاتیێن عیراقێ

- فلۆرایا سووریا، فەلەستین و سینایێ

- فلۆرایا تورکیا و دورگەیێن ڕۆژهەڵاتێ ئیجە

- فلۆرایا وێنەدار یا ڕێڕەوێ چیایێ بێخێر

- ڕوەکێن پزیشکی ل کوردستانا عیراقێ

- گیایێن مشەخۆر ل جیهانێ

- ڕوەکێن ژەهراوی ل عیراقێ

- ڕوەکێن مەترسیا ژناڤچوونێ ل سەر ل کوردستانێ

- فەرهەنگا ناڤێن نەباتان یا کوردی (Ferhenga Navên Nebatan a Kurdî)

- دار و دەوەنێن هەرێما کوردستانێ و عیراقێ

- دار و دەوەن، ڕێبەرەکێ مەیدانی بۆ دار و دەوەنێن هەرێما کوردستانا عیراقێ

- فلۆرایا گیایان ل کوەیتێ

- گیا ل عیراقێ

- ئۆرکیدێن کێوی ل دەڤەرێن هەرێما کوردستانێ

- ئەتڵەسێ ڕوەکێن پزیشکی و بێهنخۆش ل وەلاتی عەرەبی