هه‌رێما كوردستانێ یا زه‌نگینه‌ ب جهێن سروشتى یێن كو ئه‌م دشێین بكاربینین بو ئیكوتوریزمێ. پێتڤیه‌ ئه‌ڤ جهه‌ بهێنه‌ ده‌ستنیشانكرن و پلان  بهێنه‌ دانان بو بیشئیخستن و هاندانا چالاكیێن گه‌شتیارى. ئیكوتوریزم هاندانا به‌رده‌وامیدانێ و پاراستنێ لسه‌ر جهین سروشتى دكه‌ت و  بزاڤێ دكه‌ت شاره‌زایێ په‌یداكه‌ت ل ده‌ف گه‌شتیاران و خه‌لكێ ده‌ڤه‌رێ ده‌رباره‌ى وان تشتێن گریداى ب ڤان جهان ڤه‌ و داهاته‌كه‌ بو خه‌لكێ ده‌ڤه‌رێ و خوشگوزه‌رانیا ژیانا وان. مه‌ره‌م ژ پشكا گه‌شتیارى و توریزما ژینگه‌هى ئه‌وه‌ كو   گوهورینكاریێن بنچینه‌ى بكه‌ت د هزرو بوچونین خه‌لكى دا ده‌رباره‌ى سروشتى ئه‌وژى برێكا به‌رهه‌فكرنا كه‌سێن ئه‌كادیمى و پسپور كو كاربكه‌ن دگه‌ل ریكخراوێن نه‌ حكومى یێن گرنگیێ ب ژینگه‌ها سروشتى دده‌ن و دیفچون و  ڤه‌كولین دگه‌ل وان رێكخراوێن گرنگیێ ب ریڤه‌برن و پاراستنا ژینگه‌ها سروشتى دده‌ن. هه‌روه‌سا مه‌ره‌م ژڤێ پشكێ به‌شداریكرن و لێگه‌ریان و پاراستنه‌ لسه‌ر میژوو و كه‌لتور و تیگه‌هێ خه‌لكێ كوردستانێ یه‌. ده‌ڤه‌را مه‌ یا پیتڤى ب شاره‌زایێ یه‌ دڤى بوارێ نوى دا بو فَیركرنا خه‌لكى و به‌رهه‌فكرنا به‌رهه‌مێن دى كو بو ب ریڤه‌برنا ژیانا خه‌لكى تایبه‌ت خه‌لكێ گوندا. و پاراستن لسه‌ر سامانین گیانه‌وه‌رى و رووه‌كى یێن سروشتى بو نفشێن داهاتى و پاراستن لسه‌ر سروشتێ وان.