پێشکێشکرن بۆ کۆلیژا زانستێن ئەندازیاریا چاندنێ – باوەرناما بەکالۆریۆسێ

کۆلیژا زانستێن ئەندازیاریا چاندنێ ل زانکۆیا دهۆک پێشوازیێ ل قوتابیێن خودان شیان و ئارەزوومەند دکەت بۆ وەرگرتنا باوەرناما بەکالۆریۆسێ د بوارێن زانستێن چاندنێ، بڕێڤەبرنا ژێدەرێن سروشتی، پاراستنا ژینگەهێ، و گەشەپێدانا چاندنا بەردەوام دا.

بۆچی ل کۆلیژا زانستێن ئەندازیاریا چاندنێ بخوینی؟

• پەروەردە و فێرکرنەکا گشتگیر: کۆلیژ ژینگەهەکا ئەکادیمی یا پێشکەفتی دابین دکەت کو وانەیێن تیۆری دگەل راهێنانێن پراتیکی، کارێ تاقیگەهان، و خولێن مەیدانی دئێکیدا کۆم دکەت.
• بەرسڤدانا پێدڤیێن سەردەمی: ئامادەکرنا کادیرێن پسپۆر بۆ چارەسەرکرنا ئاستەنگێن ژینگەهی، ئاسایشا خوارنێ و ئاڤێ، چاندنا پێشکەفتی، و پاراستنا دارستانان.
• دەلیڤەیێن بەرفرەهـ یێن کاری: دەرچوویێن مە دشێن د دامودەزگەهێن حوکمی، رێکخراوێن ژینگەهی و چاندنێ، ناڤەندێن لێکۆلینێ، پرۆژەیێن گەشەپێدانێ، و کەرتی تایبەت دا کار بکەن.

چەوانیا پێشکێشکرنێ ب ڕێکا (زانکۆلاین):

قوتابی دشێن د دەمێ دیارکری یێ وەرگرتنا زانکۆیێ دا، ب ڕێکا سیستەمێ فەرمی یێ زانکۆلاین (Zankoline) داخوازیا خۆ تۆمار بکەن:
١. سەرەدانا پۆرتاڵا فەرمی یا زانکۆلاین بکە.
٢. مەرجێن وەرگرتنێ و بەشێن بەردەست بخوینە.
٣. زانکۆیا دهۆک – کۆلیژا زانستێن ئەندازیاریا چاندنێ و پاشان بەشێ خواستی هەلبژێرە.
٤. زانیاریێن پێدڤی ب دروستی پر بکە و داخوازیێ ب شێوازێ ئەلیکترۆنی فرێکە.
٥. چاڤدێریا راگەهاندنێن زانکۆلاین و مالپەرێ فەرمی یێ زانکۆیا دهۆک بکە بۆ دەرکەفتنا ئەنجامان و رێکارێن ناڤ تۆمارکرنێ.

فێرببە. نوویاتیێ بکە. خزمەتێ پێشکێش بکە. پاشەرۆژەکا بەردەوام ئاڤا بکە.
گەشتا خۆ یا ئەکادیمی ل کۆلیژا مە دەستپێبکە!

نڤیسینگەها خزمەتێن پێزانینان ل کۆلیژا زانستێن ئەندازیاریا چاندنێ (CAES)، 20 ێ ئەیلوولا 2026

ئامادەکرن: سيپل محمد طاهر يوسف، بلند جلال هـ. همبي