زنجیرە سمینارێن بهێت: ستراتیژیەتا هەلسەنگاندنا پڕۆگرامێن ئەکادیمی
زنجیرە سمینارێن بهێت: ستراتیژیەتا هەلسەنگاندنا پڕۆگرامێن ئەکادیمی
کولیژا زانستێن ئەندازیاریا چاندنێ خۆشحاڵە ب ڕاگەهاندنا زنجیرە سمینارێن بسپۆر ل ژێر ناڤێ "ستراتیژیەتا هەلسەنگاندنا پڕۆگرامێن ئەکادیمی"، یێن کو دێ ژ لایێ مامۆستا (ثامر حسن حمید) ژ پشکێ زانستێن بنەڕەت هێنە پێشکێشکرن. ئەڤ سمینارە دێ د ناڤبەرا روژێن ٧ تا ٩ى ئەیلوولا ٢٠٢٦ ل دەمژمێر ١٠:٠٠ى سپێدێ ل هۆڵا سمیناران ل پشکێ زانستێن بنەڕەت هێنە ئەنجامدان.
کورتیا سمیناری و ئارمانج:
ئەڤ زنجیرە سمینارە دێ ئارمانج کەن کو نەخشەڕێیەکا گشتگیر بدەنە پشکێن زانستی بۆ ئاڤاکرنا سیستمەکێ ڕێکوپێک بۆ هەلسەنگاندنا پڕۆگرامێن وان یێن ئەکادیمی. ئارمانجا سەرەکی ڕێنماییکارنا تیمێن کارگێری و ستافێ مامۆستایانە بۆ پشتڕاستکرن ژ پێشئێخستنا بەردەوام یا پڕۆگرامێن خاندنێ و گونجاندنا وان دگەل پێوەرێن دانپێدانا نێڤدەولەتی (Accreditation). پشکدار دێ ل دۆر مێتۆدێن پێڤان و هەلسەنگاندنا ئەدائێ ئەکادیمی گەنگەشێ کەن دا کو کوالیتیا خاندنێ ل کولیژێ بلندتر لێ بهێت.
خشتێ ئامادەبوونێ و پشکێن دیارکری:
بۆ مەرەما دەستکەفتنا مفایەکێ زێدەتر، سمینار دێ ل سەر سێ روژان هێنە دابەشکرن، و داخواز ژ تیمێن برێڤەبرنا پڕۆگرامی (PMT)، سەرۆک پشک، و لیژنەیێن زانستی هاتیەکرن کو ب ڤی ڕەنگێ خوارێ ئامادە بن:
- دووشەمبی (٧-٩-٢٠٢٦): پشکێن (زانستێن ئاخ و ئاڤێ، ژینگەهـ و گەشتوگۆزارا ژینگەیی، زانست و تەکنەلۆژیا خوارنێ).
- سێشەمبی (٨-٩-٢٠٢٦): پشکێن (بەرهەمێ گیانەوەری، بەرهەمێ کێلگەیی، ڕێنماییکارنا چاندنێ و گەشەپێدانا گوندان).
- چارشەمبی (٩-٩-٢٠٢٦): پشکێن (بیستانکاری، پاراستنا ڕووەکی، دارستان).
ئەڤ سمینارە دێ بنە سەکۆیەکا گرنگ بۆ تیمێن گەشەپێدانا پڕۆگرامان دا کو ستراتیژیەتێن خۆ یێن هەلسەنگاندنێ پەرە پێ بدەن و کولتۆرێ سەرکەفتن و بەرپرسیارەتیا ئەکادیمی ل کولیژا زانستێن ئەندازیاریا چاندنێ بچەسپینن.
کورتیا زانیاریان:
- پێشکێشکار: ثامر حسن حمید
- جهـ: هۆڵا سمیناران، پشکێ زانستێن بنەڕەت
- دەم: ١٠:٠٠ سپێدێ (هەموو روژان)
- ڕێکەفت: ٧، ٨، و ٩ى ئەیلوولا ٢٠٢٦
نڤیسینگەها خزمەتێن پێزانینان ل کۆلیژا زانستێن ئەندازیاریا چاندنێ (CAES)، 6 ێ ئەیلوولا 2026
ئامادەکرن: سيپل محمد طاهر يوسف، بلند جلال هـ. همبي.