ئەنجامدانا سمینارەکێ ل دۆر خۆپاراستن ژ تێکچوونا بکارئینانا ماددەیێن هوشبەر و پشتەڤانیا دەروونی-جڤاکی

کۆلیژا ئەندازیاریا چاندنێ ل زانکۆیا دهۆکێ سمینارەک ل ژێر ناڤ و نیشانێن "تێگەهشتن ل دۆر تێکچوونا بکارئینانا ماددەیان د ناڤ قوتابیێن زانکۆیێ دا: خۆپاراستن، دەستنیشانکرنا زوو، و پشتەڤانیا دەروونی-جڤاکی" ئەنجامدا. ئەڤ سمینارە د رۆژێن ٤ و ١٨ێ گولانا ٢٠٢٦ێ دا، ژ لایێ د. نوزاد سامى (نوژدارێ دەروونی) و م. کاروان عیسى (ڤەکۆلەرێ جڤاکی) هاتە پێشکێشکرن.

سمینارێ تیشک خستە سەر زێدەکرنا ئاستێ هوشیاریێ د ناڤبەرا قوتابی و ستافێ ئەکادیمی دا دەربارەی تێکچوونا بکارئینانا ماددەیێن هوشبەر و کارتێکرنێن وێ یێن دەروونی، جڤاکی و ئەکادیمی. پێشکێشکەران پێزانینێن زانستی و پراکتیکی ل دۆر جورێن ماددەیێن کو دهێنە بکارئینان، هوکارێن مەترسیێ د ناڤ گەنجان دا، و نیشانێن هایدارکرنێ یێن کو پێدڤی ب دەستێوەردانەکا زوو هەی پێشکێش کرن.

پشکەکا گرنگ ژ ڤێ چالاکیێ هاتبوو تەرخانکرن بۆ کێمکرنا سۆنە (لۆمە)یا جڤاکی بەرامبەر ئالۆدەیی و کێشەیێن دەروونی. هەروەسا ئامادەبوو جەخت ل سەر گرنگیا ستراتیژیێن ساخلەم بۆ خۆگونجاندنێ و کۆنترۆلکرنا فشارێن دەروونی کر دا کو سلامەتیا قوتابیان بهێتە پاراستن. دیسان سمینارێ تیشک خستە سەر ئەو خزمەتگوزاریێن تایبەتمەند یێن کو ژ لایێ پەیمانگەها دەروونچارەسەری و تراومایێن دەروونی (IPP) و سەنتەرێ ئالۆدەیی ل زانکۆیا دهۆکێ دهێنە پێشکێشکرن، وەک هەلسەنگاندنا کلینیکی، دەروونچارەسەری، پشتەڤانیا دەروونی-جڤاکی و شیاندنەڤەیێ.

ل دوماهیا سمینارێ، پشکداران تێگەهشتنەکا گشتگیر ل سەر تایبەتمەندیێن کلینیکی یێن تێکچوونا بکارئینانا ماددەیان و رۆلێ گرنگ یێ خۆپاراستنێ پەیدا کر. ئەڤ کارە بزاڤەکا زانکۆیا دهۆکێ بوو بۆ چەسپاندنا ژینگەهەکا پشتەڤان ب رێکا هوشیارکرنا جڤاکی و دابینکرنا خزمەتگوزاریێن دەروونی یێن بەردەست.