دەستکەفتەکێ نوو یێ زانستی: پ. هـ. د. میسەر خەلیل ئیبراهیم ڤەکۆلینەکا گرنگ د گۆڤارەکا جیهانی یا ناڤدار یا دەزگەهێ Elsevier دا بەلاڤ دکەت

کۆلیژا زانستێن ئەندازیاریا چاندنێ ب شانازی ڤە ڕادگەهینیت کو پ.هـ. د. مويەسر خلیل ئیبراهیم دەستکەفتەکێ ئەکادیمی یێ گرنگ تۆمار کر، ب بەلاڤکرنا ڤەکۆلینەکا زانستی یا نووژەن د کۆڤارا (Journal of the Indian Chemical Society) دا.

ڤەکۆلین ب ناڤونیشانێ:
"Regioselectively Substituted Azo Dyes: Synthesis, Structural Proof, and DFT Studies toward Their Application as Photosensitizers and DNA-Binding Agents"
ل ڕێکەفتی ٢٧ێ ئایارا ٢٠٢٦ێ هاتیە بەلاڤکرن. ئەڤ ڤەکۆلینە د کۆڤارەکا جیهانی یا سەر ب دەزگەهێ (Elsevier) هاتیە بەلاڤکرن کو خودان فاکتەرێ کاریگەریێ (JIF: 3.4) و نمرەیا (CiteScore: 5.8) یە، و د رێزبەندا (Q2) دایە د هەردوو داتابەیسێن (Web of Science) و (Scopus) دا.

ئەڤ ڤەکۆلینە ب هووری باس ل پێکئینان و ناساندنا ڕەنگێن ئازۆ (azo dyes) دکەت ب بکارئینانا تەکنیکێن پێشکەفتی یێن سپێکترۆسکۆپی و هەژمارکرنێن تیۆرا (DFT). ئەنجامێن ڤەکۆلینێ دیار دکەن کو ئەڤ ماددە دشێن وەک هەستیارێن ڕوناهیێ و بەستەرێن DNA بهێنە بکارئینان، کو ئەڤە ژی دەرگەهێن نوو ل بەر بکارئینانێن کیمیایی و پزیشکی ڤەدکەت.

ئەڤ دەستکەفتە بەرهەمێ هەماهەنگیەکا زانستی یا سەرکەفتی یە د ناڤبەرا ڤەکۆلەرێن زانکۆیا دهۆک، زانکۆیا کۆیە، و زانکۆیا زاخۆ. ئەڤ جۆرە هەڤکارییە دبنە ئەگەرێ بلندکرنا ئاستێ ئەکادیمی یێ زانکۆیێن هەرێما کوردستانێ د ناڤەندێن جیهانی دا.

بۆ دیتنا تەڤایا ڤەکۆلینێ ل ڤێرێ کلیک بکە:
https://doi.org/10.1016/j.jics.2026.102732

راپۆرت ژلایێ: بلند جەلال ح. هەمبی، سيپل محمد طاهر يوسف.