ستافێ ئەکادیمی
ئەندازیاریا تەلارسازى
كوليژا ئەندازیارى
زانکۆیا دهۆك
- دکتۆرا د مێژوویا تەلارسازیێ دا، زانکۆیا دهۆک، ٢٠٢٥
- ماستەر د دیزاینا تەلارسازیێ و تەلارسازیا خۆجهی دا، زانکۆیا دهۆک، ٢٠١٦
- بکالۆريۆس د ئەندازیاریا تەلارسازیێ دا، کۆلیژا ئەندازیاری، زانکۆیا مووسڵ، ٢٠٠٦
ئەز خودان باوەرنامەیا بکالۆريۆسێ مە د ئەندازیاریا تەلارسازیێ دا ژ زانکۆیا مووسڵ، و باوەرنامەیا ماستەرێ د دیزاینا تەلارسازیێ و تەلارسازیا خۆجهی (ڤێرناکیولەر) دا، و باوەرنامەیا دکتۆرایێ د مێژوویا تەلارسازیێ و تەلارسازیا خۆجهی دا ژ زانکۆیا دهۆک. گرنگیپێدانێن من یێن ئەکادیمی و ڤەکۆلینێ چڕ دبنە سەر مێژوویا تەلارسازیێ، تەلارسازیا خۆجهی، کەلتوورێ کەڤنار (کەلەپوور)، و پەیوەندیا دناڤبەرا ناسنامەیا خۆجهی و دیزاینا سەردەم دا. ئامانجا من یا پاشەڕۆژێ ئەوە کو پشکدار بم د پێشڤەبرنا زانست و پەروەردەیا تەلارسازیێ دا ب ڕێیا ڤەکۆلین و دوتنیێ، پێکڕا دگەل هاندانا پاراستنا کەلتوورێ تەلارسازیا خۆجهی و تێکەڵکرنا وی د ناڤ ممارەسەیێن دیزاینکرنا بەردەوام و هەستیار بۆ ژینگەهـ و سیاقێ دەوروبەر.
- دیزاینا تەلارسازیێ: قۆناغا دووێ ٢٠١٦–٢٠٢٠
- میتۆدۆلۆجیا دیزاینێ: قۆناغا چوارێ ٢٠١٦–٢٠٢٠
- کەرەستەیێن ئاڤاهسازیێ: قۆناغا ئێکێ ٢٠١٩–٢٠٢٠
- تەلارسازی و ژينگەهـ: قۆناغا چوارێ ٢٠٢٠
- پاراستنا تەلارسازیێ: قۆناغا پێنجێ ٢٠٢٠–٢٠٢٣
- دیزاینا تەلارسازیێ: قۆناغا سێیێ ٢٠٢٣–هەتا نوکە
- تەلارسازیا خۆجهی: قۆناغا پێنجێ ٢٠٢٥–هەتا نوکە
وەکو مامۆستایەکێ دیزاینێ، ئەز باوەرم ژ پێکڤەگرێدانا پێزانینێن تیۆری دگەل ئەزموونا کریاری دکەم بۆ ئاواکرنا ژینگەهەکا فێرکرنێ یا ب مانا. ئەز وانەیان وەک گەنگەشەیێن کارتێکەر (تفاعلي) دناڤبەرا مامۆستایی و قوتابیان دا دبینم، نەک تەنێ گەهاندنا پێزانینان ژ لایەکێ بتنێ. پێدڤییە مامۆستا هاندەر بن بۆ هزرکرنا ڕەخنەگرانە، پێشڤەبرنا داهێنانێ، و پاراستنا ڕێزگرتنێ بۆ دیتنێن جودا جودا. ب هەمان شێوە، دڤێت قوتابی شیانێن هزرکرنا سەربەخۆ ل دەف خۆ پێش بئێخن، ب کوڕاتی پرسیارێ ل سەر هزرا بکەن، و بۆچوونێن خۆ یێن دروست ئاوا بکەن ل شوونا وێ کو تەنێ بۆچوونێن مامۆستایێن خۆ قبوول بکەن.