ستافێ ئەکادیمی
ماموستایێ هاریکار د پیڤان وهەلسەنگاندن دا
ئهندازیاریا شارستانی
كوليژا ئەندازیارى
زانکۆیا دهۆك
- ماستەر د پێڤان و هەلسەنگاندنێ دا، کۆلیژا پەروەردا وەرزشی و زانستێن وەرزشێ، زانکۆیا دهۆک، دهۆک، عیراق، ٢٠٢٢.
- بەکالۆریۆس د پەروەردا وەرزشی و زانستێن وەرزشێ دا، کۆلیژا پەروەردا وەرزشی و زانستێن وەرزشێ، زانکۆیا دهۆک، دهۆک، عیراق، ٢٠١٤-٢٠١٥.
ئەز هەلگرێ باوەرناما بەکالۆریۆسێ مە د پەروەردا وەرزشی دا، کو بنیاتەکێ ب هێز د زانستێن پەروەردەیی و وەرزشی دا بۆ من دابین کریە. پاشان من بەردەوامی دا خواندنا خۆ و باوەرناما ماستەرێ د پیڤان و هەلسەنگاندنێ دا ب دەست ڤە ئینا، کو تێدا گرنگیپێدانێن من یێن ئەکادیمی و ڤەکۆلینێ ل سەر ئاڤاکرنا تاقیکرنان، گەشەپێدانا پیڤەران، هەلسەنگاندنا پەروەردەیی، و بکارئینانا رێکێن ئاماری د ڤەکۆلینێن پەروەردەیی دا بوون. د درێژاهیا کاروانێ خۆ یێ ئەکادیمی دا، من گرنگیپێدانەکا ب هێز بۆ باشترکرنا کوالیتیا ڤەکۆلینێن زانستی د زانستێن پەروەردەیی و جڤاکی دا پەیدا کریە، ب تایبەتی د بیاڤێ پیڤان و هەلسەنگاندنێ دا.
ئارمانجا من یا ئەکادیمی یا پاشەرۆژێ ئەوە کو د دەمەکێ نێزیک دا باوەرناما دکتۆرایێ د بیاڤێ پیڤان و هەلسەنگاندنێ یان بیاڤەکێ پەروەردەیی یێ نێزیک دا ب دەست ڤە بینم. ئەز ب هیڤی مە شارەزاییا خۆ یا ڤەکۆلینێ کویرتر لێ بکەم، و پشکداریێ د زانینێن ئەکادیمی دا بکەم، و د وانەگۆتنا زانکۆیێ دا یێ چالاک بم، و ب دل و گیان خزمەتا جڤاکێ ئەکادیمی بکەم.
بەرپرسیاریەتییێن فێرکرنێ
بەرپرسیاریەتییێن من یێن فێرکرنێ پێکدهێن ژ پلان دانان و پێشکێشکرنا وانەیێن تیۆری و پراکتیکی، ئامادەکرنا پلانێن خواندنێ ب گۆرەی ئارمانجێن پەروەردەیی، و دیزاینکرنا تاقیكرن و ئامرازێن هەلسەنگاندنێ. زێدەباری دووڤچوونا ئاستێ زانستی یێ قوتابیان و پێشکێشکرنا رێنماییێن زانستی بۆ وان. هەروەسا ئەز یێ رژدم ل سەر بکارئینانا رێکێن سەردەم یێن وانەگۆتنێ و تەکنۆلۆژیایێن فێرکرنێ یێن کو دبنە ئەگەرێ باشتر تێگەهشتن و کارلێکرنێ (interaction) د ناڤ پۆلێ دا.
فەلسەفا فێرکرنێ
فەلسەفا من یا فێرکرنێ ژ وێ چەندێ دەستپێدکەت کو قوتابی تەوەرێ سەرەکی یێ پرۆسەیا فێرکرنێ یە. ئەز باوەر دکەم کو فێرکرنا کاریگەر ب رێکا گرێدانا لایەنێ تیۆری و پراکتیکی دهێتەدی، دگەل پێشخستنا هزرکرنا رەخنەگرانە و شیانێن ڤەکۆلینێ ل دەڤ قوتابیان. ئەز باوەریا تمام ب گرنگیا هەلسەنگاندنەکا دادپەروەرانە ل سەر بنەمایێن زانستی هەیە، دگەل پێدانا گرنگیێ ب جوداهیێن تاکەکەسی و هاندانا قوتابیان بۆ فێربوونا خودی و بەردەوام.