ئاگەهداری: گێڕانا دووەمین ورکشۆپێ نشتیمانی یێ ساڵانە ب هەلکەفتا ڕۆژا جیهانی یا خوارنێ ل ژێر دروشمێ "ئەڤڕۆ داهێنانێ بکە بۆ دابینکرنا خوارنا سوبەهی"

پشکا زانست و تەکنەلۆژیایا خوارنێ ل کۆلیژا زانستێن ئەندازیاریا چاندنێ دێ دووەمین ورکشۆپێ نشتیمانی یێ ساڵانە ب هەلکەفتا ساخکرنەڤەیا ڕۆژا جیهانی یا خوارنێ ل ژێر دروشمێ "Innovate today. Nourish tomorrow - ئەڤڕۆ داهێنانێ بکە بۆ دابینکرنا خوارنا سوبەهی" ئەنجام دەت. ئەڤ ورکشۆپە دێ بۆ دەمێ ئێک ڕۆژ ل ڕێکەفتی ١٥ی چریا ئێکێ ٢٠٢٦، دەمژمێر ١٠:٠٠ی سپێدێ ل پشکا زانست و تەکنەلۆژیایا خوارنێ هێتە گێڕان.

ژبەر زێدەبوونا گرنگیدانێ ب کوالێتی، ساخلەمی، بەردەوامی و هەڤڕکیا بەرهەمێن خوارنێ یێن خۆجهی بەرامبەر بەرهەمێن بیانی ل پارێزگەها دهۆکێ و هەرێما کوردستانێ، ئەڤ ورکشۆپە دێ پێدڤیاتیا بکارئینانا داهێنان و تەکنەلۆژیایێن سەردەم د بیاڤێن بەرهەمئینان، پێڕابوونا پیشەسازی، عەمبارکرن، پێچان و بەلاڤکرنا خوارنێ دا خورت کەت.

ورکشۆپ دێ بیتە پرەکا پەیوەندیێ د ناڤبەرا مامۆستا، قوتابی، خودان کارگەهێن خوارن و شیرەمەنیان، و لایەنێن پەیوەندیدار دا دا کۆ شارەزایی و پێزانینێن نوی بهێنە ئاڵوگۆڕکرن و بەرچاڤکرن ل سەر ئاستەنگ و پێشڤەچوونێن کێرتێ خوارنێ.

ئارمانجێن سەرەکی یێن ورکشۆپێ:

• پێشکێشکرنا دیتنەکا زانستی و پراکتیکی ل سەر ڕەوشا نوکە و پاشەڕۆژا کێرتێ خوارنێ ل پارێزگەها دهۆکێ و هەرێما کوردستانێ.
• تیشک خستنە سەر ئاسایشا خوارنێ، ساخلەمیا خوارنێ، بەرهەمداریا خۆجهی، بەردەوامی، و داهێنانێ.
• بلند ڕاگرتنا گرنگیا ڕۆژا جیهانی یا خوارنێ (کو ساڵانە ل ١٦ی چریا ئێکێ ژ لایێ ڕێکخراوا FAO ڤە دهێتە ساخکرن) و هاندانا کاری ب کۆم بۆ پاراستنا سیستەمێن خوارنێ.
• دیارکرنا ڕۆلێ تەکنەلۆژیایا نوی، کارسازی (Entrepreneurship)، و زێدەکرنا بهایێ بەرهەمێن چاندن و خوارنێ یێن ناڤخۆیی.

هاتنا هەمی مامۆستا، بسپۆر و قوتابییان جهێ ڕێز و پێشوازیێ یە.

نڤیسینگەها خزمەتێن پێزانینان ل کۆلیژا زانستێن ئەندازیاریا چاندنێ (CAES)، 11 ێ تشرينا ئێکێ 2026

ئامادەکرن: سيپل محمد طاهر يوسف، بلند جلال حـ. همبی